Акција на српската полиција: Уапсен маж кој објавувал фотографии од Исламска држава и оружје

Припадниците на Секторот за внатрешни работи, Одредот за високотехнолошки криминал при Управата за технологија и Единицата за безбедност го уапсија Н.Ј. (1988) поради постоење основи на сомнение дека сторил кривично дело предизвикување паника и неред, соопшти МВР.
Тој е осомничен дека на својот профил на социјалната мрежа објавил фотографија на која стои со пушка, а зад него виси знамето на „Исламска држава“.

При претрес на станот и просториите што ги користел осомничениот, полицијата на неговиот телефон и лаптоп ја пронашла фотографијата за која било утврдено дека е направена пред неколку години, а ја објавил на својот профил во петокот.
При претресот не е пронајдено оружје, се наведува во соопштението.
На осомничениот му е одредена мерка притвор до 48 часа, по што со кривична пријава ќе биде изведен во надлежното обвинителство.
Акцијата е спроведена во соработка со Специјалното обвинителство за борба против високотехнолошкиот криминал на Вишото јавно обвинителство во Белград.

Share on Facebook

Tweet

Follow us

Save