Албанија го советува Курти: Слушај ги сојузниците!

Албанскиот претседател Бајрам Бегај и албанскиот премиер Еди Рама немаат различни ставови за однесувањето на косовскиот премиер Албин Курти во дијалогот со Белград, и двајцата го повикуваат да ги слуша своите сојузници во меѓународната заедница и да не бега од дијалог, пишуваат косовските и албанските медиуми.

Повикот до Курти да не бега од дијалог Рам го повтори и во неодамнешниот говор од салата на Обединетите нации, а го критикуваше и јазикот што Курти го користеше кон специјалниот пратеник на ЕУ за дијалог меѓу Белград и Приштина, Мирослав Лајчак.

Новинарот додава дека и претседателот на Албанија, Бајрам Бегај, го повикал Косово да ги слуша своите сојузници, наведувајќи дека Албанија изразила силна поддршка за дијалогот Косово-Србија во ОН, кој е поддржан од ЕУ, како и од САД кои се стратешки сојузник на Албанците.

Бегај изјави и дека на Косово не му треба самоизолација, туку пријатели и поддршка.

Share on Facebook

Tweet

Follow us

Save