Алиоски и Бабунски ја напуштија репрезентацијата – ќе учат за тренери!

Македонските репрезентативци Езгјан Алиоски и Давид Бабунски се приклучија на семинарот за тренери. Вкупно 26 лица се пријавени на семинарот, а меѓу нив има и поранешни фудбалери.

На семинарот се и Агим Ибраими, Даниел Мојсов, Арменд Алими, Јасмин Мециновиќ, Зени Хусмани, Седат Бериша, Фљамур Таири, Владимир Димитровски, Крсте Велкоски, Христијан Кировски, Изаир Емини и други.

Алиоски и Бабунски беа на списокот на селекторот Благоја Милевски за натпреварите со Украина, како и со Ерменија кој се игра денеска во Струмица, но очигледно престојот во Македонија го искористија за посета на семинарот.

Македонија во пријателски меч ќе се соочи против Ерменија од 15 часот на стадионот „Благој Истатов“ во Струмица.

Извор; sport1.mk

Share on Facebook

Tweet

Follow us

Save