Алијанса за Албанците: Да се осуди објавата на руската амбасада – Македонија го признава Косово како независна држава

Алијанса за Албанците ја осудува неодамнешната провокација на руската амбасада во Скопје на Твитер, со која сериозно се прекрши Уставот на земјата којшто го признава Косово како независна и суверена држава.

Македонија е исто така јасно усогласена со Западот во осудата на руската агресија врз Киев и во одбраната на територијалниот интегритет на Украина.

Бараме мнистерот за надворешни работи да го повика рускиот амбасадор за објаснување и да протестира против ваквите брутални интервенции на Русија.

Македонија, како земја кандидат за членство во Европската Унија, не смее да дозволи вакви малигни влијанија од акредитирана амбасада во Скопје. Молкот пред ваквите провокации може да се сфати како легитимирање на проширувањето на руската агенда на Балканот, којашто заедно со воено поттикнувачката политика на Србија кон Република Косово, се директна закана за мирот и безбедноста во регионот, како и саботирање на Европска перспектива на Западен Балкан, се наведува во соопштението на Алијанса за Албанците.

Share on Facebook

Tweet

Follow us

Save