АЛПИ-МК: Прекин на огнот во Украина веднаш, проблемите да се решаваат со дипломатија и разговори

Почитувани,

Членовите на Институтот за напредно политичко лидерство (АЛПИ) поддржан од Меѓународниот републикански институт (ИРИ) застануваат против воената агресија на Руската Федерација врз Украина. Како членови на Институтот, но и доаѓајќи од политички партии и граѓанскиот сектор го осудуваме бескрупулозното прекршување на меѓународното и човековите права и повикуваме на прекинување на огнот веднаш!

Веќе се забележуваат еден милион бегалци од Украина како последица на ивазијата на Русија, илјадници жртви, загубени цивилни животи и економски последици кои дополнително ќе се влошуваат.

Повикуваме на итен прекин на огнот и решавање на сите проблеми преку дупломатија и разговори, а независноста и автономијата на државите да бидат почитувани.

Членовите на АЛПИ преку свој личен ангажман, како и преку субјектите кои ги застапуваат ќе се залагаат за помош на настраданите од Украина, а преку своето секојдневно делување ќе повикуваат на мир и толеранција.

Со почит,
членовите на АЛПИ-МК

Share on Facebook

Tweet

Follow us

Save