Ал Хилал понуди 300 милиони евра за Мбапе!

Гигантот од Саудиска Арабија, Ал Хилал испрати официјална понуда од 300 милиони евра до ПСЖ за потписот на Килијан Мбапе и така наскоро би можел да падне нов рекорд, откако претходниот беше поставен пред неколку години при преселбата на Нејмар од Барселона во Париз за 222 милиони евра.

Новинарот Фабрицио Романо објави дека Ал Хилал сака да потпише договор со Мбапе, а ПСЖ нема ништо против тоа да го продаде за 300 милиони евра, но парижаните сметаат дека Французинот веќе се договорил со Реал Мадрид.

Претходно се шпекулираше дека Ал Хилал ќе го купи Мбапе и ќе потпише едногодишен договор, по што ќе му дозволи да замине во Реал, меѓутоа најверојатно нема да се случи такво со оглед на висината на понудата која ја испратија во Париз.

Извор: sport1.mk

Share on Facebook

Tweet

Follow us

Save