Алapм на Светска банка: Се зakaнува двојна рецecија, земјите остануваат без економска мунициja

t

Зголемената инфлација и построгите мерки за Ковид се ризици кои можат да предизвикаат двојна рецесија во светот во 2022 година, бидејќи земјите ќе останат без економска муниција по две години борба со пандемијата, предупредува економскиот експерт на Светска банка.

Кармен Рајнхарт, главниот економист во Светската банка, алармираше за способноста на земјите да се справат со двојните закани – омикрон и кризата на трошоците за живот, бидејќи правилата во борбата против Ковид се заоструваат, пишува британски Телеграф.

Прогнозерите предвидуваа уште една тешка година на закрепнување за глобалната економија во 2022 година, но економската перспектива значително се срмачија во последниве недели бидејќи новите мерки за коронавируст, воведени за да се спречи ширењето на омикронот, се закануваат дополнително да ја поттикнат и онака високата инфлација.

Рајнхарт изјави за британскиот весник дека омикрон е „пречка“ за понатамошно глобално закрепнување, предупредувајќи дека „колку подолго трае ова, толку повеќе ќе паѓа залихите на економска муниција“, ограничувајќи ја „огнената моќ“ за давање државна помош на бизнисите и граѓаните.

„Има многу негативни ризици. Мислам дека тие се веќе поочигледни за Европа, но ги има за сите нас. „Комбинацијата на омикрон и зголемената инфлација и многу неизвесност за инфлацијата е глобален проблем… Со други зборови, нè очекуваат повеќе разочарувања“, рече таа.

Земјите воведуваат нови ограничувања на економската активност поради страв дека брзото ширење на инфекцијата може да ги принуди на целосно заклучување, дури и ако, според некои медицински истражувања, омикрон е помалку сериозен од претходните видови на вирусот.

Англија се откажа од воведување нови ограничувања за време на Божиќ и Нова Година, но се уште размислува за нови рестриктивни мерки за следната година.

„Презедовме мерки кои се, се разбира, помалку драконски од оние кога еруптираше Ковид, но тие секако се на таа линија… сега имаме два фактори на сопирање кои претставуваат опасност од двојно потонување. „Мислам дека ризикот од двоен пад е многу реален“, рече Рајнхарт.

Двојна рецесија е кога економијата опаѓа по втор пат во два последователни квартали. Пред појавата на омикрон, се очекуваше дека глобалната економија ќе продолжи брзо да закрепнува од претходниот пад предизвикан од кризата, додека Европа и Велика Британија претходно предвидуваа враќање на бруто домашниот производ на нивоа пред пандемијата на почетокот на 2022 година. пишува Телеграф, пренесува Танјуг.

ПОВРЗАНИ ВЕСТИ

Јапонскиот БДП доживеа остар пад

Третата по големина економија во светот забележа…

Издаден портокалов аларм во Македонија, се очекува…

Според најновите информации на УХМР, претпладне променливо…

Податоци: Јапонија се соочува со рецесија

Економијата на земјата забележа остар пад во…

Стравот од рецесија во Британија се зголемува

Перформансите на приватниот сектор во Британија се…

Еврозоната се соочува со рецесија

Производството и услугите со дополнителен пад, покажуваат…