Амбасадата на САД во Приштина: На овој ден пред 18 години го признавме Косово

Амбасадата на САД во Приштина потсети дека на овој ден пред 18 години, САД ја признаа независноста на Косово и воспоставија дипломатски односи.

„Денес, пред 18 години, Соединетите Американски Држави формално го признаа Косово како суверена и независна држава. Претседателот Џорџ В. Буш одговори позитивно на барањето на Косово за воспоставување дипломатски односи меѓу нашите две земји. Воспоставувањето на овие односи ги потврди посебните врски на пријателство што ги поврзуваат народите на Соединетите Американски Држави и Косово“, се вели во соопштението објавено на Фејсбук. Цитирана е и изјавата на тогашната државна секретарка на САД, Кондолиза Рајс.

„Додека Косово денес го започнува својот живот како независна држава, Соединетите Американски Држави се посветени да продолжат да бидат негов близок пријател и партнер“, изјави Кондолиза Рајс на 18 февруари 2008 година.

Share on Facebook

Tweet

Follow us

Save