Амбасадорите на ЕУ се согласија да забранат пристап на руските медиуми во Унијата

Амбасадорите на Европската унија се согласија да го забранат пристапот во ЕУ на руските медиуми: „Руска газета“, „Известија“, „РИА Новости“ и чешкиот портал „Гласот на Европа“, кој ЕУ го обвинува за ширење проруски информации, изјави за новинарите дипломатски извор во Брисел.

„Амбасадорите на ЕУ постигнаа политички договор за забрана на пристап до четири руски медиуми – два весници и една новинска агенција, како и порталот „Гласот на Европа“, рече дипломатот.
Сега оваа мерка мора да биде одобрена од министрите за надворешни работи на Европската унија. Министерскиот совет ќе се одржи следната недела.
Меѓу точките за кои се договорија постојаните претставници на земјите од ЕУ беа нови антируски санкции и санкции за сајбер-напади врз ЕУ и нејзините поединечни земји-членки.
Ситуацијата со руските медиуми на Запад станува се потешка во последните години. Во ноември 2016 година, Европскиот парламент усвои резолуција во која се зборува за потребата од соочување со руските медиуми, а во документот се наведуваат Спутник и РТ како главни закани. Голем број западни политичари, меѓу кои и американски сенатори и конгресмени, како и претседателот на Франција, ги обвинија Спутник и РТ за мешање во изборите во САД и Франција, но не дадоа никакви докази. Руските власти ги нарекоа таквите изјави неосновани.

Неодамна, ЕУ воведе санкции за главните руски медиуми, забранувајќи го нивното емитување во рамките на Унијата. Оваа одлука е донесена без да се оди на суд или национални регулатори во земјите на ЕУ, кои се одговорни за медиумските пазари во нивните земји.

Share on Facebook

Tweet

Follow us

Save