INFOMAX.MK

Израел не планира да го уништи Појасот Газа, но Хамас го прави тоа, изјави израелскиот амбасадор во Москва, Александар Бен Зви.

„Нема план за уништување на Појасот Газа. Има планови за уништување на воената структура на Хамас и враќање на заложниците“, изјави дипломатот за телевизијата „Русија 24“.

Според него, Тел Авив не ја разгледува можноста за прекин на непријателствата. Тие се подготвени да го прошират конфликтот на Блискиот Исток од воен аспект, но тоа не е во нивен интерес.

„Ние не ги гранатираме Либан и Сирија по наша иницијатива. Хезболах, шиитските групи во Сирија почнуваат да ја гранатираат нашата територија како да му помагаат на Хамас. Ние сме подготвени за тоа, односно подготвени сме од воен аспект , но ние немаме интерес да го прошириме овој конфликт“, рече амбасадорот.

Израелскиот амбасадор додаде дека „единствениот кој има таков интерес е Иран, кој ги финансира, обучува и вооружува сите овие групи“.

Тој нагласи дека нема директни преговори меѓу Израел и Хамас.

„Не може да има, бидејќи нашиот став е многу едноставен: сите заложници мора да бидат ослободени без никакви услови“,
рече амбасадорот.

Според дипломатот, израелската страна нема информации што се случува со заложниците.