Американскиот претседателски кандидат е против испраќање на муниција со осиромашен ураниум во Украина

Вашингтон придонесува за уништување на Украина со испраќање проектили со осиромашен ураниум до вооружените сили на Украина, изјави американскиот претседателски кандидат Роберт Кенеди Јуниор.

„Непотребно е да се зборува за тоа дека како претседател сакам да ставам крај на оваа бесмислена и нехумана политика“, напиша Кенеди Јуниор на социјалната мрежа Х, коментирајќи го текстот на портпаролката на Министерството за надворешни работи на Русија, Марија Захарова, во Комсомолскаја Правда.

Во тој текст Захарова изјавила дека муницијата со осиромашен ураниум ја претвора Украина во „земја непогодна за живот“, а последиците можат да донесат штета и на соседните земји.
Претходно „Волстрит журнал“, повикувајќи се на изјави на американски официјални лица, објави дека Белата куќа има намера да одобри испорака на ракети со осиромашен ураниум за тенковите Абрамс.

Share on Facebook

Tweet

Follow us

Save