INFOMAX.MK

Новиот пакет воена помош за Украина, кој неодамна беше усвоен од американскиот Конгрес, нема да доведе до драматична промена на ситуацијата на бојното поле, изјави американскиот советник за национална безбедност Џејк Саливан, пишува Фајненшл тајмс.

Според споменатиот весник, Саливан истакнал дека сепак очекува успех на руската армија во Украина „во блиска иднина“. Според неговото мислење, не треба да очекуваме нова украинска контраофанзива пред 2025 година

Во исто време, исходот од потенцијалната контраофанзива во голема мера ќе зависи од усвојувањето на нови пакети помош во Конгресот и одобрувањето од Белата куќа, оцени американскиот советник.

Што се однесува до најновиот пакет, Саливан верува дека тоа „ќе му помогне на Киев да ја одржи линијата на фронтот и ќе овозможи подготовка за одмазднички акции“. Неговите прогнози ќе бидат релевантни само доколку Џозеф Бајден биде реизбран за претседател на САД во ноември, заклучува тој, пренесува РТ Балкан.