Андоновска: Реформа во образованието, проверка на знаењето и рефединирање на задолжителното средно образование!

Не постои државна институција каде има луѓе кои седат дома, а земаат плата, вели во гостување во  „Тешки муабети“ носителката на пратеничката листа на коалицијата „Храбро за Македонија“ во изборната единица 1, Д-р. Добрила Андоновска.

– Ние извезиваме квалитетни кадри од секоја област. Мора да има нови кадри во судството, таму нема недостаток само на судии, туку и на стручен кадар. Потребен е мораториум на вработувањето во јавната администрација, вели Андоновска.

– Предлагаме задолжителното средно образование да чини помалку и да биде квалитетно, да не мора да биде 4 години, да може да биде и 2 и 3 години. Мора да создаваме кадри за пазарот на труд, а џабе е 4 години задолжително образование доколку тоа не е функционално. Во врска со инклузијата мора да се обезбеди стручен кадар, не само сензорна соба, некој треба да работи со лицата кои имаат посебни потреби. Предлагаме ограничување на бројот на ученици во една паралелка на 24, објасни Андоновска.

Share on Facebook

Tweet

Follow us

Save