Апасиев: Зошто ДПМНЕвскиот министер Тошковски нема храброст да го поништи Правилникот за „Северна“?

Зошто Панче Тошковски нема храброст да го поништи Правилникот со кој се воведе називот „Северна“, прашува пратеникот и лидер на Левица, Димитар Апасиев.

– СДСовскиот министер за внатрешни Оливер Спасовски (после блокадата на Левица на Законот за лични карти) – имаше „храброст“ да донесе илегален Правилник со кој воведе назив СЕВЕРНА спротивно на законот, кој и понатаму го користи терминот „Република Македонија“ [за што ќе подлежи на кривична одговорност].

Зошто ДПМНЕвскиот министер за внатрешни Панче Тошковски нема „храброст“ да го поништи овој противзаконски Правилник на неговиот колега и со тоа да заврши сагата на милиони Македонци – со тоа што ќе си остане во примена актуелниот Закон за лични карти, кој никогаш не е изменет и не го содржи погрдниот назив „СЕВЕРНА“!? – напиша Апасиев на Фејсбук.

Share on Facebook

Tweet

Follow us

Save