Апел до пратениците: Дајте шанса Законот за амнестија за 27 април да се најде на дневен ред!

Адвокатите Јанаки Митровски и Драган Пешевски, на чија иницијатива денеска во Собранието се гласа Законот за амнестија на осудените за 27 април, на Фејсбук апелираат до пратениците денеска да дадат шанска Предлог-законот да се стави на дневен ред на собраниската седница.

– Денес, во 11.00 часот после десетминутно образлагање на пратеник Дафина Стојановска ќе се пристапи кон гласање дали предлог Законот за амнестија на осудените за 27 Април ќе се стави на дневен ред. Доколку овој прв филтер не се помине, нема да има друга шанса. Затоа се апелира до сите 120 пратеници да дадат шанса барем да се разгледува предлог Законот.
Во понеделникот до Собрание поднесовме барање со колегата Пешевски за присуство во галеријата, а вчера сме известени до кабинетот на Претседателот на Собрание дека такво барање не им стигнало, иако имаме приемен печат. Паметног доста! – напиша Митровски на Фејсбук.

Share on Facebook

Tweet

Follow us

Save