INFOMAX.MK

Опсесијата со Лео Меси достигна нови височини по освојувањето на Светското првенство, а според информациите во Аргентина размислуваат да го стават ликот на суперѕвездата на нивните официјални банкноти.

Според весникот „Ел Финансиеро“, претставниците на финансиското раководно тело на јужноамериканската земја ги разгледуваат опциите за славење на историскиот триумф на нивната земја на Светското првенство. Се верува дека една од најпосакуваните опции е да се стави слика на Меси на банкнотата од 1.000 пезоси, бидејќи бројот започнува со „10“ – бројот на дресот што го носи големата ѕвезда.

Ова ќе биде во чест на успехот на Аргентина во освојувањето на Копа Америка во 2021 година, победата на т.н. „Финалисима“ против европскиот првак Италија и светската титула во Катар. Се верува дека на задната страна на наводната банкнота ќе биде испишано „La Scaloneta“ – прекарот на аргентинскиот шеф Лионел Скалони.

Останува да видиме дали идејата ќе се оствари и луѓето во Аргентина ќе можат да платат со банкноти на кои е ликот на нивниот идол Меси.