Армиски хеликоптери напомош во гаснење на пожарот кај Пепелиште

Армиски хеликоптер се вклучи во гаснење на пожарот во Неготинско, потврдија од Дирекција за заштита и спасување (ДЗС). Се интервенираше околу село Пештерница кое нема жители, на терен се пожарникари од Неготино и Кавадарци, луѓе од неготинското комунално претпријатие.

Дирекција за заштита и спасување учествува во гаснење со два тима, еден од Валандово и еден од Свети Николе со четири возила. Претходно оперираше и хеликоптерот на Министерствто за внатрешни работи (МВР).

Генерално, нема опасност за населби и инфраструктура од големиот пожар кај армискиот полигон „Пепелиште“, со опсег од десетина километри. Гаснењето продолжува, опасниот крак од пожарот што ги загрозуваше селата Пепелиште и Војшанци е изгаснат, па не постои повеќе опасност за двете села.

Вчера, ЦУК упати барање за поддршка за целосно извидување на теренот од воздух до МВР и барање за извидување од воздух со дронови на Граничната полиција и на „Фронтекс“.

Share on Facebook

Tweet

Follow us

Save