Арсовска: Водо-снабдувањето е доведено во прашање поради цената на електричната енергија

На денешната пресконференција, градоначалничката на Град Скопје и претседателка на ЗЕЛС, Данела Арсовска, истакна дека пристигнало предупредување од здужението на даватели на кумунални услуги, АДКОМ, оти е доведено во прашање водо-снабдувањето во општините, односно, дека постои опасност за прекин во континуитетот на водните услуги.

Ова, како што вели Арсовска, е резултат на цената на електричната енергија и е дополнителен аларм дека е потребно од владата да се превземат итни мерки, за да не се дозволи прекин на јавните услуги кон граѓаните.

Градоначалничката исто така посочи и дека се обратиле до Владата, каде побарале итен состанок како преставници на ЗЕЛС, со цел да се изнајдат заеднички решенија, кои квалитетно и брзо може да се превземат за да се ублажи кризата предизвикана од растот на цените на енергенсите.

Share on Facebook

Tweet

Follow us

Save