Арсовска: Во оваа ситуација на тешка криза, јавното претпријатие се обидува да биде во најдобар ред

Во денешната епизода на Наше Скопје, градоначалничката на Град Скопје, Данела Арсовска беше прашана и за автобусите кои поминуваат во скопската населба Жуто Оризари, каде граѓаните се жалат дека автобусите на ЈСП се во очајна хигиенска состојба.

,,Како што кажав на многу наврати, проблемите во ЈСП се навистина многу сериозни. Да не напоменам и да не кажам дека оваа енергетска криза дополнително придонесе за тоа да имаме една таква тешка состојба во која што тие секој ден се обидуваат да не доцнат и покрај тоа што мора да се знае дека финансиските потешкотии претпријатието ги има навистина сериозни. Мислам дека кога ќе имаме можност да го возобновиме паркот ја ЈСП, сите овие проблеми ќе се надминат. Правилата треба да се за сите подеднакви. Во оваа ситуација на тешка криза, јавното претпријатие се обидува да биде во најдобар ред” , рече Арсовска.

Следете ја емисијата “Наше Скопје” на Инфомакс.

Share on Facebook

Tweet

Follow us

Save