Арсовска ги зголеми платите во Град Скопје за десет проценти!

Градоначалничката на Град Скопје, Данела Арсовска, на Фејсбук објави дека платите во Градот се зголемуваат за десет проценти по потпишувањето на колективниот договор со репрезентативниот синдикат на Градот.

– Потпишан колективен договор со репрезентативниот синдикат на Град Скопје со кој платите се зголемуваат за 10 проценти. Неопходно е вработените во јавниот сектор да бидат ефикасни, брзо и навремено да ги извршуваат работите и да ги испорачуваат услугите за граѓаните, а со покачувањето се стимулира подобрување на квалитетот на работа, затоа го остваруваме ветеното за усогласување и зголемување на платите на вработените во Град Скопје и јавните претпријатија.

Пред неполни две години на почетокот на мандатот ја поддржавме иницијативата на Синдикалната организација на Град Скопје и потпишавме нов Колективен договор со кој се проширија правата на вработените, се зголемија бодовите и се регулираа правата на пожарникарите. Дополнително во 2022 година Град Скопје беше првата единица на локална самоуправа која ги зголеми линеарно платите за 2800 денари на сите вработени, а со потпишувањето на овој колективен договор се овозможува зголемување за над 6000 вработени. – напиша Арсовска на Фејсбук.

Share on Facebook

Tweet

Follow us

Save