Арсовска открива: Им понудив на советниците тие да ја водат јавната набавка на автобуси, одбија – тука се препозна нечесната намета

Данела Арсовска, градоначалничката на Град Скопје во своето гостување во Студио 10 на телевизија 24 говореше за набавката на нови автобуси за потребите на ЈСП и потенцираше дека им понудила на советниците тие сами да ја водат целата јавна набавка за нови автобуси, но и оваа понуда била одбиена.

Според неа ова е најдобар показател дека советниците немаат искрена намера и единствена цел им е да ја блокираат оваа набавка во интерес на скопјани.

-Им предложив на советниците доколку тие сакаат да ја превземат одговорноста и обврската тие да ја одберат банката која што кредитира и да одберат услови кои треба да се објават за да имаме јавна набавка. Буквално за да се реализира сето она кое што треба за да биде под условите како што тие сметаат за да не покренуваат било какви сомнежи ете тие нека креираат услови и тие нека одберат начин финансирање и кој ќе финансира и под кој услови и како ќе се објавува јавна набавка па дури и целиот процес нека го тераат. Тука видовме дека не е искрена намерата. Да сакале да биде тоа јавно и транспарентно ќе речеа во интерес на граѓаните ние го правиме ова, вели Арсовска.

Share on Facebook

Tweet

Follow us

Save