Арсовска се сретна со министерката Шукова: Се формира меѓуресорска група за заштита на животната средина

Градоначалничката на Град Скопје, Данела Арсовска, денеска оствари средба со министерката за животна средина и просторно планирање, Каја Шукова.

-Денес остваривме средба со Министерката за животна средина и просторно планирање Каја Шукова, на која дискутиравме за активности во делот на животна средина кои двете институции треба да ги спроведат со взаемна координација и соработка.

Активностите поврзани со заштитените подрачја во рамките на Градот Скопје, прашања поврзани со одржливо управување со отпадот и пречистувањето на отпадните води беа клучните теми.

Градот Скопје за прв пат формира меѓуресорска група која за своја цел има конкретни активности за заштита на животната средина, со вклученост на сите релевантни институции и организации кои можат да придонесат за квалитетни решенија за тековните предизвици. – напиша на Фејсбук градоначалничката Арсовска.

Share on Facebook

Tweet

Follow us

Save