Арсовска: Скопје се развива рамномерно, увид во градежните работи во Шуто Оризари

Градоначалничката на Град Скопје, Данела Арсоваска, денеска изврши увид во градежните работи на улицата 40 во Шуто Оризари.

-Денеска извршивме увид на градежните работи на улицата 40, крак на Македонско Косовска Бригада, што се реализира со меѓуопштинска соработка со општината Шуто Оризари. Екипите на ЈП Улици и патишта Скопје по налог на Град Скопје ги започнаа градежните активности, а со реализација на овој проект и веќе завршената улица 38 се подобрува инфраструктурата во општината и се решаваат долгодишните проблеми во овој дел од градот.

Град Скопје во подготовка е да отпочне со градежни работи и на улицата 50 со што се овозможува подобрување на дел од сообраќајниците кои се од витално значење за граѓаните на оваа општина. Главна цел на тековните градски градежни активности во Скопје е градот да се развива рамномерно, со реализација на проекти и во урбаниот и во руралниот дел, за нашите сограѓани кои заслужуваат подобри услови за живот, напиша Арсовска на Фејсбук.

Share on Facebook

Tweet

Follow us

Save