Арсовска со честитка за 11 Октомври: Наша обврска е да продолжиме да ја градиме Македонија!

Градоначалничката на Град Скопје, Данела Арсовска, упати честитка по повод 11 Октомври – Денот на народноослободителното востание, почетокот на антифашистичката борба во Македонија.

– Денес одбележуваме 81 година од почетокот на антифашистичката борба за ослободување на македонскиот народ и борбата за победа над фашизмот во Втората светска војна, денот кога во 1941 година започнало народното востание. Овој ден е повод да оддадеме почит на сите борци кои придонеле за слободата, независноста и сувереноста на македонската држава.

Наша обврска е да продолжиме да ја градиме Македонија како самостојна, независна и демократска држава, да придонесеме да биде достоинствено и просперитетно место за живот на сите граѓани.

Нека е честит 11 Октомври Денот на народното востание на македонскиот народ ! – напиша Арсовска на Фејсбук.

Share on Facebook

Tweet

Follow us

Save