Објавено на:

Асад поддржа формирање на нови руски воени бази во Сирија

t

Дамаск би ги поздравил сите предлози од Русија за формирање нови воени бази или зголемување на бројот на војници во Сирија, изјави сирискиот претседател Башар ал Асад.

„Веруваме дека ако Русија има желба да ги прошири базите или да го зголеми нивниот број, тогаш тоа е прашање од техничка или логистичка природа. Ако постои таква желба, тогаш мислиме дека проширувањето на руското присуство во Сирија е добро, тоа ќе ѝ служи на оваа идеја“, изјави тој за РИА Новости, а пренесува Танјуг.

Асад во Москва, за време на разговорот со рускиот претседател Владимир Путин, рече дека руското воено присуство во неговата земја не мора да биде привремено и дека треба да се ограничи само на „борбата против тероризмот“.

„Зборуваме за меѓународна рамнотежа, а присуството на Русија во Сирија е важно во однос на рамнотежата на силите во светот, како земја лоцирана на Средоземното Море“, нагласи тој.

Според претседателот на Сирија, руската и сириската страна разговарале за прашања за соработка на ниво на министри за одбрана, но темата за воените бази не била конкретно покрената.

„Обично не објавуваме каква соработка ќе има меѓу нас и Русија. Затоа што ова е воено прашање, кое секогаш има некаква тајност. Тоа е природно“, рече Асад.

Во август 2015 година, Москва и Дамаск потпишаа договор за неодредено распоредување на воздушна група на руските вооружени сили во Сирија, која е стационирана во воената база Хмејмим во провинцијата Латакија.

Покрај тоа, во 2017 година, Москва и Дамаск се договорија да основаат логистички центар за руската морнарица во Тартус на 49 години.

Предвидено е во пристаништето Тартус истовремено да се наоѓаат 11 руски воени бродови, вклучително и нуклеарни воени бродови, а договорот автоматски да биде продолжен за период од 25 години.

ПОВРЗАНИ ВЕСТИ

Чешка ја прогласи Русија за директна закана…

Чешка ја смета Русија за „директна закана…

Путин: Подготвен сум да преговарам со Украина

Претседателот Владимир Путин вели дека Русија ќе…

ОН ја усвои руската резолуција за борба…

Генералното собрание на ОН ја усвои руската…

Украина нема да влезе во НАТО без…

Украинскиот претседател Володимир Зеленски ја отфрли идејата…

Медведев со честитка до ЕУ: Благодариме што…

Рускиот бруто домашен производ (БДП) расте, додека…