Ахмети: Очајно е што Македонија денеска не е до Албанија поради блокирањето на нашиот европски пат

Претседателот на Демократската унија за интеграција, Али Ахмети денеска го коментираше отворањето на преговорите меѓу Албанија и Европската унија и одржувањето на Втората меѓувладина конференција.

„Одлични вести од Луксембург за Албанија, Албанците и целиот регион на Југоисточна Европа. Срдечно им честитам на сите Албанци, на премиерот Еди Рама и на целиот тим кој неуморно работеше на отворањето на првото преговарачко поглавје.

Посакувам Албанија да работи напорно кон остварување на целта за членство во Европската унија во 2030 година.

Нема начин да не се спомене очајот што Северна Македонија денес не е на страната на Албанија поради блокирањето на нашиот европски пат како резултат на неспроведувањето на Преговарачката рамка одобрена од Советот на Европската унија и Северна Македонија“, објави Ахмети на Фејсбук.

Според него, мора да се направи се за да се обезбеди и запечати европската иднина на нашите граѓани со демонстрација на лидерство и одлучност.

Во Луксембург се одржа уште една меѓувладина конференција на ЕУ со Албанија, на која официјална Тирана го отвори првиот кластер за преговори за членство во ЕУ, соопшти Советот на ЕУ.

Делегацијата на Европската Унија ја предводеше Петер Сијарто, министер за надворешни работи и трговија на Унгарија, кој во моментов ја преседава ЕУ, а учествуваа и комесарот за проширување Оливер Вархеји.

Албанија ја предводеше владина делегација на чело со премиерот Еди Рама.

Share on Facebook

Tweet

Follow us

Save