Ахмети, Филипче и Ковачевски имаат државно обезбедување, објави Апасиев: Ова ли е тоа „КОНТРОЛИРАНА ОПОЗИЦИЈА“ во буквална смисла!?

Пратеникот и Лидер на Левица, Димитар Апасиев, на социјалните мрежи објави дека државно обезбедување моментално имаат Али Ахмети, Венко Филипче и Димитар Ковачевски. Информациите ги добил како одговор на пратеничко прашање.

– Во врска со пратеничко прашање поставено од проф. д-р Димитар Апасиев кое се однесува на тоа кои од актуелните пратеници во Собранието на Република Северна Македонија имаат/користат државно обезбедување од страна на Министерството за внатрешни работи, Ве известуваме дека согласно одредбите од Уредбата за личностите и објектите што се обезбедуваат, видовите на мерки и активности и степените на обезбедување („Службен весник на Република Македонија” бр.56/14 и 161/16 и „Службен весник на Република Северна Македонија” бр.267/19 и 244/23), определени се мерки и активности за обезбедување за следните пратеници:

• Али Ахмети,
• Венко Филипче и
• Димитар Ковачевски. – стои во одговорот.

Share on Facebook

Tweet

Follow us

Save