INFOMAX.MK

Судот во регионот на Уралските Планини во Екатеринбург ја осуди американско-руската државјанка Ксенија Карелина на 12 години затвор за „предавство“ во четвртокот откако таа наводно донирала околу 50 долари на проукраинска добротворна организација, пишува Москоу тајмс.

Карелина беше уапсена во јануари додека го посетила своето семејство во градот Екатеринбург. Минатата недела, нејзиниот адвокат рече дека таа се изјаснила за виновна за обвиненијата за предавство за време на затворено рочиште.

„Судот ја прогласи Ксенија Карелина за виновна за велепредавство и ја осуди на 12 години затвор“, соопшти во четвртокот Регионалниот суд во Свердловск.

33-годишната балерина Карелина, вработена и во спа центар во Лос Анџелес, беше обвинета дека донирала околу 50 долари на добротворната организација „Разом“ со седиште во Њујорк, непосредно откако Русија ја нападна Украина во февруари 2022 година.

Руската безбедносна служба ФСБ тврди дека парите биле „искористени за купување тактички медицински суровини, опрема, оружје и муниција за украинските вооружени сили“.

„Разом“, организацијата која обезбедува хуманитарна помош и помош при катастрофи на Украинците погодени од војната, ги повика американските власти да побараат ослободување на Карелина од Русија.

Случаите за предавство се слушаат зад затворени врати во Русија бидејќи, како што велат властите, тие занимаваат со чувствителни информации.