INFOMAX.MK

Актуелните светски шампиони, хрватските ватерполисти, се ривалите на Србија во финалето на Олимписките игри по победата од 9:8 над Унгарија во полуфиналето.

По првото полуфинале во кое Србија релативно убедливо ги совлада САД со 10:6, второто беше порамномерно.

Унгарците рано поведоа со 3:1, но Хрватите првиот период го завршија изедначено со головите на Лорен Фатовиќ.

Фатовиќ продолжи со извонредниот настап во вториот дел, постигнувајќи три од четирите гола на Хрватска. Два дојдоа во серија за Хрватска да направи пресврт од 5:4 до 7:5 на крајот од првото полувреме. Избраниците на Ивица Так успешно ја одржуваа дистанцата во третата четвртина, каде како единствен стрелец со головите во тие осум минути се истакна Лука Букиќ.

Унгарците во последниот дел се доближија на 9:8, а Герго Заланки промаши шут за продолжение.

Лорен Фатовиќ со пет гола ја предводеше Хрватска до победата, а кај унгарскиот тим со по два се истакнаа Шилар Јаншик и Мартон Вамош.

Финалето е во недела на 11 јули од 14:00 часот.