INFOMAX.MK

Капитенот на македонската фудбалска репрезентација, Енис Барди, ги сподели импресиите од вчерашниот натпревар со Бугарија и кажа дека жали што не се завршило со триумф, а истовремено ѝ се заблагодари и на публиката.

„Со еден играч помалку бевме цел натпревар. Имавме и шанси за израмнување преку Алиоски и Дориев, но не ги искористивме. Од сите овие работи кои ни се случија, секој од нас, почнувајќи од мене, треба добро да размисли за следниот собир, да бидеме посериозни и повеќе одговорни во некои ситуации.
Овој натпревар го чекавме со голема желба, но фудбалот е таков. Од почетокот имавме играч помалку. Сакам да се заблагодарам до навивачите за поддршката, ова многу ни значи. Тие не бодреа 90 минути и веруваа во нас. Сакам да кажам дека мора да бидеме трпеливи и да размислуваме да одиме напред, за да имаме повеќе успеси“, изјави Енис Барди.

Македонија вчера во тензичен натпревар изгуби од Бугарија со еден спрема нула и со тоа заврши трета на табелата во нашата група од Лигата на нациите.