INFOMAX.MK

Напаѓачкиот тандем на Абердин, Бојан Миовски и Луиз Енрикеш де Барош Лопеш, попознат како Дук, во последниов период се хит во шкотското првенство и прашање беше само на време, кога некој од поголемите клубови од Велика Британија ќе загриза.

Најпопуларниот новинар за фудбалски трансфери, Фабрицио Романо, попладнево информира дека за Дук бил заинтересиран тимот во кој настапува нашиот Дарко Чурлинов и кој е веќе сигурен патник во англиската Премиерлига за следната сезона. За Дук бил заинтересиран и Блекбурн, кој исто така има амбиции за враќање во Премиерлигата и Хал, кој се наоѓа во долниот дел од табелата на Чемпионшип дивизијата.

Дук е четврти стрелец во шкотската Премиерлига, со 16 гола, а Миовски е шести, со еден помалку. Покрај екипте од Островот, заинтересирани и за двајцата има и меѓу калчолигашите, конкретно Специја и Болоња.

Дук има 23 години и дојде во Абердин од екипата на Бенфика, исто како и Миовски, во последниов летен преоден рок. Тој е роден во Лисабон, но настапува за репрезентацијата на Зеленортската Република.

Извор: sport1.mk