Барса бара начин да се ослободи од Левандовски

Каталонскиот спортски дневник Спорт денеска објави текст поврзан со најдобриот стрелец на Барселона, Роберт Левандовски.

Според авторот, спортскиот директор Деко и тренерот Чави на крајот од сезоната планираат неколку болни заминувања, а едно од нив треба да биде тоа на полскиот голгетер. Левандовски повеќе не е недопирлив и во клубот постојат сомнежи во врска со неговиот континуитет, а особено се прави споредба меѓу неговиот придонес на теренот и платата која идната сезона треба да изнесува околу 30 милиони евра.

Иако две сезони по ред е најдобар стрелец на Барселона, Левандовски играше на врвно ниво само во првата кампања и тоа до почетокот на Светското првенство во Катар. Оттогаш не е ни сенка на играчот кој дојде од Баерн, а тоа се гледа и по неговиот број на голови – само 16 во Ла Лига оваа сезона.

Напаѓачот има желба да остане во Барселона најмалку уште идната сезона, а можеби и две, со оглед на тоа што неговиот договор е со важност до 2026 година.

Share on Facebook

Tweet

Follow us

Save