Бајден именуваше нова амбасадорка на САД во Украина – Се работи за уникатно соодветна дипломатка со богато искуство

Американскиот претседател Џо Бајден ја именуваше Бриџит Бринк за новa амбасадорка на САД во Украина, пренесе Би-би-си, откако позицијата американски амбасадор во Украина беше празна речиси три години.

Овој потег доаѓа во време кога Вашингтон ја засилува својата поддршка за Украина, во услови на руската инвазија.

Претходно денеска, Белата куќа објави дека Бринк ќе се премести од позицијата амбасадор на САД во Словачка, за да ја пополни „клучната позиција“ во Украина која беше празна во последните три години.

Бринк во моментов ја извршува функцијата амбасадор на САД во Словачка, дипломат е веќе 25 години и има работено во Узбекистан и Грузија, како и на неколку високи позиции во Стејт департментот и Советот за национална безбедност на Белата куќа.

Белата куќа додаде оти децениското искуство на Бринк ја прави уникатно соодветна за овој момент во историјата на Украина.

Најавата за именувањето на Бринк на оваа позиција е по посетата на Украина од страна на американскиот државен секретар Ентони Блинкен и секретарот за одбрана Лојд Остин кои во Киев се сретнаа со украинскиот претседател Володомир Зеленски и други високи украински претставници.

Share on Facebook

Tweet

Follow us

Save