Бела куќа: Разговорот меѓу Путин и Трамп помина „многу добро“

Претседателите на Русија и на САД, Владимир Путин и Доналд Трамп, го завршија телефонскиот разговор кој започна во 15 часот по средноевропско време, соопшти Белата куќа.
Разговорот траеше два и пол часа.
Си-Ен-Ен објави, повикувајќи се на руски извор, дека разговорот поминал „многу добро“.
Претходно, заменик-шефот на кабинетот на американскиот претседател, Ден Скавино, на својата страница на мрежата Х објави кога започна разговорот.

Како што додадоа во Белата куќа, по разговорот американскиот претседател ќе им се обрати на медиумите.
Во исто време, Кремљ објави дека двајцата лидери разговарале по телефон веќе еден час.
Портпаролот на Кремљ, Дмитриј Песков, ја најави средбата меѓу двајцата претседатели во понеделник и рече дека главна тема, пред се, ќе биде решавањето на украинското прашање.

Share on Facebook

Tweet

Follow us

Save