Бербок: Германија не може да прифати Кина да воспостави поблиски односи со Русија

Шефицата на германската дипломатија Аналена Бербок денеска изјави дека Германија не може да прифати Кина да воспоставува сѐ поблиски односи со Русија, која, како што наведе, води нелегална војна против Украина.

„Ако Кина отворено продолжи да воспоставува сè посилно партнерство со Русија, која води нелегална војна против Украина, … не можеме да го прифатиме тоа“, рече Бербок по состанокот на министрите за надворешни работи на Г7 во Капри, Италија.

Бербок ја повика Кина да го искористи своето влијание врз рускиот претседател Владимир Путин за да го запре нападот врз Украина, пренесе Ројтерс, пренесува Танјуг.

Министрите за надворешни работи на Г7 објавија, по тридневниот состанок во Капри, дека се решени „да ги зајакнат капацитетите на украинската воздушна одбрана со цел да се спасат животи и да се заштити клучната инфраструктура“. Украина беше меѓу главните теми на состанокот во Капри.

Share on Facebook

Tweet

Follow us

Save