Бесими: Доколку не се отстрани проблемот со системот на ФЗО, платите ќе се исплатат од Трезорот

Синоќа во гостување на националниот сервис МТВ, министерот за финансии Фатмир Бесими, посочи дека е пронајдено решение за исплата на платите во здравството, дури и ако до понеделник не се реши проблемот со системот на Фондот за здравство.

„Очигледен е техничкиот проблем со системот во ФЗО, и тоа е хибридна војна која не се случува само кај нас, следствено на тоа и со исплатата на платите за здравствените работници. Доколку набрзо (зборувам за ден два) не се отстрани проблемот со системот на ФЗО, платите ќе се исплатат од Трезорот, а понатаму ќе се направи порамнување со буџетот на ФЗО. Мора да нагласам дека ФЗО има друг систем на исплата од трезорот па затоа е проблемот. Ова е вон редовните процедури, но е во рамки на законот“, нагласи Бесими.

На прашањето дали има доволно средства за исплата на платите на здравствениот сектор, министерот Бесими истакна дека буџетот е ликвиден, како и дека приходите во буџетот од почетокот на годината заклучно со средината на февруари се повисоки за 10 отсто во однос на истиот период лани.

Share on Facebook

Tweet

Follow us

Save