Објавено на:

Беснее невреме на Халкидики, но потрагата по исчезнатиот Македонец продолжува

t

Мајката и братот на 28-годишникот од Македонија патуваат од Америка каде живеат за да учествуваат во големата акција за пронаоѓање на младиот човек. Се очекува во следните неколку часа на Халкидики да пристигне семејството на 28-годишниот Мартин, кој и понатаму се води како исчезнат во морето , како што изјави за прототема.гр претседателот на спасувачите волонтери од ОФКАТХ, Христос Рамос.

28-годишникот бил однесен од морските струи кога заедно со двајцата спасени другари сакале да пливаат и покрај лошите временски услови, на познатата плажа „Мити“ во Посеиди, Халкидики.

Младиот човек, по спасувањето на 30-годишниот Иван, е единствениот од групата кој и понатаму се води како исчезнат, а властите и волонтерите се борат со невремето. Сите се надеваат на „чудо“ за спас на животот на 28-годишниот кој се води како исчезнат речиси два 24 часа.

Работата на екипите за пребарување и спасување ја отежнуваат силните ветришта што од рано утрово дуваат во областа и достигнувајќи јачина и до 7 бофори.

„Има многу силен ветер, поради што чамците кои излегоа на море, дури и крајбрежната стража не може да работи. Засега истражуваме со пешачки делници и чекаме да видиме како ќе се развиваат временските прилики, велат од спасувачките служби за Прототема.

Како што соопшти Рамос, штом се подобрат временските услови, се очекува спасувачите да фрлат подводен дрон во водата што значително ќе помогне во потрагата.

Според последните официјални информации, во реонот се активни патролен чамец на крајбрежната стража и две крајбрежни пловила, додека хеликоптерот на воздухопловните сили пред малку ја заврши потрагата што ја вршеше од рано наутро.

Вчера од водите на Егејското море беше спасен 30-годишниот Иван кој успеа да преживее 18 часа во вода, држејќи се за топка.

„Прво, не знаевме дека брановите ќе бидат толку силни и високи. Еден момент бевме во плиткото, а во другиот заробени на отворено море, не можејќи да се вратиме назад. Сè се случи толку брзо, што на почетокот не го сфативме! Беше многу страшно, како сцена од трилер филм “, опиша младиот Брезовски за АНТ1.
„Би сакал да ги замолам грчките власти да постават знак што го предупредува светот за опасноста што ја претставуваат струите и брановите за другите луѓе да не го доживеат она што го доживеавме ние“ , додаде тој.

Потоа, младиот човек од Северна Македонија се заблагодари на крајбрежната стража „за тоа што не спаси нас, но и на сите експерти кои се погрижија да бидеме во добро здравје“.

Во саботата два часа по исчезнувањето спасувачките служби го спасија 25-годишниот Васил благодарение на тоа што сурфер го забележал и повикал помош

ПОВРЗАНИ ВЕСТИ

Пијан Македонец со автомобил удрил во автобус…

Во понеделникот околу 19 часот и 20…

Деклариран Македонец натепал деклариран Бугарин во Охајо,…

Поранешниот премиер Никола Груевски продолжува со серијалот…

Продадениот мисли секој може да се купи:…

Виктор Стојанов, Бугарин кој има забранет влез…

Груевски цитира италијански историчари: Кој е роден…

„Сите завојувачи на Македонија Хелените, Римјаните, варварите…

Македонец ќе биде министер во албанската Влада!

Албанскиот премиер и лидер на Социјалистичката партија,…