INFOMAX.MK

Сообраќајот на државните патишта се одвива непречено, по влажни коловози, а слаби врнежи од снег, кои не претставуваат проблем за сообраќајот, има на Страцин, Попова Шапка, Маврово, Стража и Ѓавато и на патниот правец Крива Паланка – Деве Баир, известуваат од АМСМ.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Според страната на „Skimacedonia“ снег во овие моменти врне на Попова Шапка, Пониква, Маврово, Нижо Поле на Пелистер.