Битиќи: Косово може да функционира и без признавањето од Србија

Професорот Себ Битиќи рече дека Косово може да функционира и без признавање од Србија, односно со индиректно признавање, што подразбира овозможување на членството на Косово во НАТО и ЕУ, пренесува Телеграф.

Тој на РТВ Дукаџина рече дека дијалогот може да донесе „признавање преку непризнавање“, што подразбира дека Косово може да добие членство во меѓународни организации, како што се Европската унија или НАТО.

„Косово може да функционира без признавањето на Србија. Признавањето може да дојде преку непризнавање или индиректно признавање, што ќе овозможи членство на Косово во НАТО и ЕУ“, рече тој.

Битиќи рече дека останува да се види дали ЗСО ќе има извршни овластувања или не.

Тој понатаму рече дека француско-германскиот предлог е само почетна точка за нова фаза на дијалог меѓу Косово и Србија.

„Треба да се гледа како почетна точка на оваа фаза од дијалогот, потоа заклучоците или компромисите се друга работа, но овие идеи може да се гледаат како почетна точка. Во Србија и Косово е прифатено дека има план или идеи што циркулира, тоа е нешто што не треба да се отфрли како несериозно“, продолжи тој.

Битиќи рече дека таквиот предлог не е во форма на готов пакет, туку само иницијатива или почетна точка за помош на дијалогот.

Share on Facebook

Tweet

Follow us

Save