Битно го земавме – Николоски: Допрва ќе ги добиеме условите за задолжувањето со британскиот заем

Министерот за транспорт Александар Николоски по потпишувањето на договорот за задолжување со Обединетото Кралство во Вечерното шоу на Богдан Илиевски рече дека условите за кредитирањето не се познати во моментов и тоа ќе биде јасно понатаму. Од предвидените 6 милијарди евра, прво од британскиот заем ќе се финансира железничкиот Коридор 10.

– Генерално, она што можам да кажам, допрва ние треба да ги добиеме условите, но тие ќе бидат најдобрите услови за финансирање кои што Македонија може да ги добие на пазарот. Прво она што треба да го разберат граѓаните е дека ние како економија не можеме да изнесеме сами проект поголем од 300 до 350 милиони евра. Над тоа Македонија не отишла никогаш Ова е единечен најголем проект до сега кој ќе чини помеѓу 1,7 и 2 милијарди евра. Ако претходно ссме можеле да земеме кредит до најмногу 350 милиони евра, сега одиме на кредит од 2 милијарди, рече вицепремиерот во емисијата.

Според Николоски, Британија е најдобриот „жирант“ во светот и кредитот ќе биде подигнат според британски кредитен рејтинг, а тоа според министерот значи и помали кредитни стапки.

Министерот претходно рече дека договорото за стратешко партнерство со Британија ќе се потпише помеѓу двата премиери во наредниот период.

Share on Facebook

Tweet

Follow us

Save