Блокирани се граничните премини меѓу Косово и Србија по убиството на полицаецот

Еден косовски полицаец е убиен, а двајца се повредени во пукање што се случило рано утринава во областа Звечани, на северот на Косово, потврди косовската полиција.

Косовскиот премиер Албин Курти исто така го потврди пукањето на социјалната мрежа „Фејсбук“, наведувајќи дека полицијата била нападната во селото Бањска и нападот го нарече терористички чин.

Курти истакна дека овој организиран криминал кој се случува е со „политичка, финансиска и логистичка поддршка од официјален Белград“.

Косовскиот премиер информираше и дека убиениот полицаец бил наредник.

Останатите двајца полицајци се надвор од животна опасност и се на лекување во Приштина.

Српските медиуми пренесуваат дека е затворен граничниот премин Јариње.

Слична е состојбата и на преминот Брњак, јавува српски Курир.

Засега не е позната причината поради која возилата и луѓето не се пропуштаат на Косово од Србија.

Share on Facebook

Tweet

Follow us

Save