Блумберг: НАТО бара од европските членки да ги зголемат капацитетите за воздушна одбрана

НАТО бара од европските членки петкратно да ги зголемат капацитетите за воздушна одбрана на копнената зона, соопштија добро информирани, неименувани извори, за Блумберг.

Барањата ќе бидат разгледани на состанокот на министрите за одбрана на НАТО во Брисел в четврток. Петкратното зголемување на капацитетите ќе биде колективно за европските членки на Алијансата, а индивидуалните нивоа на проширување ќе бидат утврдени на крајот од разговорите.

-Сè уште не е јасно кој е временскиот рок за НАТО да ги исполни овие барања. Министрите веќе се согласија оваа недела да одобрат зголемување на залихите на оружје, едно од најамбициозните од Студената војна, како дел од европските и канадските напори за дополнително вооружување и намалување на зависноста од американските одбранбени системи – соопшти Блумберг.

Средбата во Брисел ќе ги постави темелите за самитот на лидерите на Алијансата што ќе се одржи во Хаг од 24 до 25 јуни.

Share on Facebook

Tweet

Follow us

Save