Блумберг: НАТО разгледуваше нов безбедносен план за Украина кој нема да ја испровоцира Русија

На самитот во Брисел, членките на НАТО ги разгледаа опциите за обезбедување безбедносни гаранции за Украина, кои нема да ја испровоцираат Русија, објави Блумберг, повикувајќи се на дипломатски извори.
Една од можните варијанти на прекин на огнот, според извори на агенцијата, е создавање на демилитаризирана зона.

Според висок дипломат на НАТО, во случај на прекин на огнот, европските сили би биле задолжени за безбедноста и патролирањето на зоната.
Во исто време, генералниот секретар на НАТО Марк Руте на прес-конференцијата јасно укажа на потребата од зајакнување на воената поддршка на Украина, нагласувајќи дека целта на воената помош за Украина е да се овозможи подобра позиција на Киев на преговорите.
Володимир Зеленски на крајот на ноември во интервју за „Скај њуз“ изјави дека може да се согласи на прекин на огнот и откажување од некои територии во замена за членството на Украина во НАТО.

Share on Facebook

Tweet

Follow us

Save