INFOMAX.MK

Долгоочекуваната заедничка литургија на свештенството на МПЦ-ОА и вселенскиот патријарх Вартоломеј во Истанбул не заврши со најавеното примање томос од Цариградската патријаршија за автокефалноста на оваа црква, пренесува Спутник Србија.

Како што дознава Танјуг од Белградската патријаршија, во преговорите меѓу патријархот Вартоломеј и архиепископот Стефан не е постигнат договор за автокефалност на Охридската архиепископија, со што би се исклучила јурисдикцијата на МПЦ во дијаспората.

По вчерашната заедничка литургија за МПЦ-ОА остануваат отворени многу прашања, прво кога и дали Вселенската патријаршија ќе издаде томос за автокефалност на Македонската православна црква – Охридска архиепископија и како ќе се однесува кон дијаспората, односно дали Вселенската патријаршија во замена за давање томос бара црквите во дијаспората на МПЦ-ОА да завршат под јурисдикција на Вселенската патријаршија!

Останува под знак прашалник дали црквата во Скопје ќе може да го задржи името „македонска“ или ќе мора да прифати да се преименува само во Охридска архиепископија.

Сепак, најголемиот проблем, сепак, останува името на црквата во Македонија, бидејќи името „македонско“, велат тие, најмногу им пречи на вселенскиот патријарх Вартоломеј и на Грчката православна црква.

Инаку, на вчерашната заедничка литургија на патријархот Вартоломеј и архиепископот Стефан присуствуваше и премиерот на Македонија, Димитар Коцевски, кој ја читаше „Оче наш“.

Извор: Спутник Србија