INFOMAX.MK

Сепаратистичките сили на РОСУ, целосно вооружени и со оклопни возила, упаднаа во објектот на големата брана на езерото Газиводе, го избркаа чуварот и ги скинаа српските знамиња што се таму. Северот на Косово и Метохија се уште е блокиран од граѓаните и полицијата. На премините Јариње и Брњак не може да се помине ниту пеш, ниту со автомобил. Мирно е на барикадите што ги поставија Србите во знак на протест против апсењето на поранешниот припадник на косовската полиција Дејан Пантиќ, информираат српските медиуми.

Високиот претставник на ЕУ за надворешна политика и безбедност Жозеп Борел изјави дека ЕУ „нема да толерира напади“ врз ЕУЛЕКС.

„ЕУ нема да толерира напади врз ЕУЛЕКС или употреба на насилни, криминални дејствија на север. Групите на косовските Срби мора веднаш да ги отстранат барикадите. Мора да се врати мирот. ЕУЛЕКС ќе продолжи да се координира со косовските власти и КФОР“, напиша Борел на Твитер.

Тој додаде дека „сите актери мора да избегнуваат ескалација“.

#EU will not tolerate attacks on @EULEXKosovo or use of violent, criminal acts in the north. Barricades must be removed immediately by groups of Kosovo Serbs. Calm must be restored. EULEX will continue to coordinate w/Kosovo authorities & KFOR.

All actors must avoid escalation.
— Josep Borrell Fontelles (@JosepBorrellF) December 11, 2022