Борел за Западен Балкан, посебно за Србија: Не може и ЕУ и Русија

Високиот претставник на Европската унија за надворешна политика и безбедност, Жозеп Борел денеска изјави дека разговарал за руското влијание со министрите за надворешни работи на земјите од Западен Балкан и дека истакнал дека блиските врски со Русија не се компатибилни со евроинтеграциите.

Борел на прес-конференцијата по ручекот со министрите рече дека ЕУ ја поздравува стратегијата на оние земји кои целосно се согласија со надворешната политика на ЕУ и санкциите против Русија и дека на оние кои не се согласуваат, вклучително и Србија, им укажале дека „ Блиските врски со Русија не се компатибилни со европската интеграција“.

Како што рече, ЕУ разбира дека тоа е национален интерес, но велат дека не е компатибилен со пристапниот процес.

„Сакаме да работиме на проширување и испративме порака дека кандидатите мора да го препознаат напредокот во пристапот. Сега е време земјите кандидати да ги забрзаат реформите и да го подготват своето население за членство. Ова е единствена можност и мора да се искористи“, рече Борел.

Share on Facebook

Tweet

Follow us

Save