Борел за налогот за апсење на Нетанјаху: Државите се должни да ги спроведуваат одлуките!

Високиот претставник на ЕУ за надворешна политика и безбедност, Жосеп Борел, во врска со повикот на обвинителот на Меѓународниот кривичен суд (МКС) да издаде налог за апсење на лидерите на Израел и Хамас, рече дека сите земји што ја ратификувале статутите на МКС се должни да ги спроведуваат неговите одлуки.
„Мандатот на МКС, како независна меѓународна институција, е да ги гони најтешките злосторства според меѓународното право“, напиша Борел на платформата Х во понеделникот.

Во понеделникот, МКС побара налог за апсење на израелскиот премиер Бенјамин Нетанјаху и министерот за одбрана Јоав Галант за „поттикнување истребување, поттикнување глад како метод на војна, вклучително и задржување на хуманитарна помош и намерно таргетирање цивили во конфликтот“.
Се бараа и налози за апсење на водачите на Хамас – Јахја Синвар, Мохамед Деиф и Исмаил Ханије за истребување, убиство, земање заложници, силување и сексуални напади.

Share on Facebook

Tweet

Follow us

Save