Борел: Нема да толерираме ескалации во Косово!

Високиот претставник на ЕУ за надворешна политика и безбедност, Жосеп Борел, денеска изјави дека е многу вознемирен поради ситуацијата на северот на Косово и рече дека ЕУ нема да го толерира фактот што, и покрај одржаните кризни состаноци, продолжуваат ескалациите.

„Многу сум вознемирен од ситуацијата на северот на Косово: незаконски апсења на косовски Срби и маршот на Косовските безбедносни сили (КБС) во јужна Митровица, проследен со тешка реторика од Србија. И покрај вчерашните кризни средби, ескалациите продолжуваат и стануваат опасни. Нема да го толерираме“, напиша Борел на својот Твитер профил.

Како што соопштија косовските безбедносни сили, 215 нивни припадници денеска маршираа од касарната „Минатори“ до селото Фрашер во Косовска Митровица, по што се вратија во базата.

Share on Facebook

Tweet

Follow us

Save