Борел: Украина не може да ја победи Русија во блиска иднина

Украина нема да може да ја победи Русија во блиска иднина, изјави шефот на европската дипломатија, Жозеп Борел.

„Имаме многу проблеми. Европа се соочи со двојно искушение. Пред се Украина, каде што не се очекува победа над Русија во блиска иднина“, изјави Борел на конгресот на Партијата на европските социјалисти.
Како друг предизвик, Борел ја посочи ситуацијата на Блискиот Исток, која, според него, е последица на „политичкиот и моралниот колапс на меѓународната заедница“.

Борељ посочи дека земјите од Европската унија треба да бидат подготвени да ја компензираат Украина за помошта што Соединетите Американски Држави досега ја давале, а која може да се намали.
„Европјаните, кои ги имаат потребните средства, мора да бидат подготвени да продолжат да даваат поддршка за Украина и да преземат обврска од САД, бидејќи нивната поддршка, по секоја веројатност, ќе се намали“, рече Борел.

Москва: ЕУ официјално ја призна победата на Русија?
Портпаролката на Министерството за надворешни работи на Русија, Марија Захарова, во врска со изјавата на Борел рече дека тоа би можело да значи дека „Европската унија официјално ја броела победата на Русија“.

Share on Facebook

Tweet

Follow us

Save