Борел “ѝ се закани” на Кина со влошување на односите со ЕУ ако не ја притисне Русија да се повлече од Украина

Шефот на европската дипломатија Жозеп Борел ѝ се закани на Кина со влошување на односите со Европската унија поради несогласувањата околу ситуацијата околу Украина.

„Што се однесува до Украина, односите меѓу ЕУ и Кина нема да се развиваат нормално ако Кина не ја притисне Русија да се повлече од Украина“, рече Борел на прес-конференција во Стокхолм по неформалниот состанок на министрите за надворешни работи на ЕУ.

„Ја повикуваме Кина да одигра конструктивна улога за постигнување праведен мир“, додаде тој.

Борел, исто така, ги наведе неурамнотежените трговски односи со Кина како уште едно големо прашање во односот што треба да се поправи. Имаме проблеми со економската безбедност, трговските односи ни се неурамнотежени“, изјави шефот на дипломатијата на ЕУ.
Тој додаде дека ЕУ треба да избегне зависност од Кина во клучните сектори на економијата. „Треба да се направи многу работа за да се елиминираат ризиците. Повторното разгледување на нашите економски односи со Кина ќе потрае долго време“, рече Борел.

Тој исто така рече дека ЕУ продолжува да се залага за одржување на статус кво во Тајван.
„Сакаме да го одржиме статус квото и да промовираме деескалација во Тајванскиот теснец, што е многу важно за светската трговија, а особено за нас“, рече Борел.
Во петокот, министрите за надворешни работи на ЕУ во Стокхолм разговараа за заедничката стратегија во односите со Кина. Надворешната служба на ЕУ подготви посебен извештај, кој ќе биде дополнет со резултатите од дискусијата и ќе биде претставен на еден од претстојните самити на лидерите на ЕУ.

Share on Facebook

Tweet

Follow us

Save